Tata Motors Lakshya Program 2026: Earn & Learn Opportunity for Diploma Students

Tata Motors Lakshya Program 2026: Diploma Students Ke Liye Earn & Learn Program, Plus B.Tech Degree

India ki sabse top Company Tata Motors ने Diploma Engineering students ke liye ek badhiya career opportunity layi hai. jisme koi bhi Lakshya Program 2026 ke madhyam se final year Diploma students ko Tata Motors ke saath career shuru karne ka mauka milega, jahan candidates ko job ke saath-saath engineering degree bhi karne ka moka diya jayega.

Yeh program khas kar un students ke liye design kiya gaya hai jo 2026 me Government Polytechnic College se Diploma Engineering complete kar rahe hain ya karne vale hai aur apna career automobile industry me banana chahte hain.

Tata Motors Lakshya Program 2026 Overview

Tata Motors Lakshya Program 2026 Kya Hai?

Tata Motors Lakshya Program me selected candidates pehle Tata Motors company me Technician Apprentice ke roop me join karenge aur baad me permanent employee banne ke saath company-sponsored B.Tech degree bhi kar sakenge.

Lakshya Program Tata Motors ka ek unique Earn & Learn Career Development Program hai. Is program ko banane ka maksad talented Diploma Engineering students ko industry-ready professionals banana hai or Program ke dauran candidates ko practical industry experience ke saath engineering degree pane ka bhi mauka diya jata hai. Selected students Tata Motors ke manufacturing aur business operations ka hissa banenge aur saath hi apni higher education continue kar sakenge.

Aaj ke samay me bahut kam companies aisi opportunities deti hain jahan candidates ko salary ke saath engineering degree bhi sponsor ki jati hai. Isi wajah se Lakshya Program 2026 ko engineering students ke liye ek badhiya opportunity mana jata hai.

Available Positions

Lakshya Program me candidates ke liye alag alag roles consider kiye jayenge jese:

Shop-Floor Operating Engineer

Manufacturing plant me production aur operations activities ko manage karna.

Engineer – Sales

Sales operations, customer interaction aur business development se jude kaam.

Engineer – Customer Care

Customer support, service quality aur customer relationship management se sambandhit role.

Program Structure

Lakshya Program ko do phases me divide kiya gaya hai.

First Year (1 Year)

Selected candidates Tata Motors me Technician Apprentice ke roop me join karenge.

Second Year (2nd Year)

Performance aur company policies ke anusaar candidates ko permanent employee ke roop me absorb kiya jayega.

Company Sponsored B.Tech Degree

Lakshya Program ki sabse badi khasiyat yeh hai ki selected candidates ko second year se company-sponsored engineering degree karne ka avsar diya jayega.

Degree Partner

• BITS Pilani Work Integrated Learning Programme (WILP)
• Ya anya Institute of Eminence

Is model ke madhyam se candidates job ke saath engineering degree bhi complete kar sakte hain.

Eligible Diploma Branches

Sirf niche diye gaye engineering disciplines ke candidates apply kar sakte hain:

• Automobile Engineering
• Mechanical Engineering
• Electrical Engineering
• Industrial Electronics
• Mechatronics Engineering
• Paint Technology

Tata Motors Kaushalya Program 2026 for ITI Pass & 12th Pass

Educational Qualification

Candidates ke liye nimnalikhit eligibility criteria nirdharit kiye gaye hain:

Candidates ke academic record me kisi bhi semester me active backlog nahi hona chahiye.

Career Growth Opportunities

Lakshya Program ke madhyam se students ko:

• Tata Motors ke saath career shuru karne ka avsar
• Practical industrial exposure
• Permanent employment opportunity
• Sponsored B.Tech degree
• Leadership aur specialization opportunities
• Long-term career growth

jaise benefits mil sakte hain.

Tata Motors Lakshya Program Selection Process

Tata Motors Lakshya Program 2026 me selection multiple stages ke madhyam se kiya jayega.

Stage 1 – Merit Based Shortlisting

SSC aur Diploma marks ke aadhar par merit list taiyar ki jayegi.

Stage 2 – Online Assessment Test

Online test me nimnalikhit sections honge:

• General Aptitude
• Logical Reasoning
• Quantitative Aptitude
• Basic Mathematics
• Subject Knowledge
• General English

Stage 3 – Further Selection Rounds

Online test qualify karne wale candidates ko aage ke selection process ke liye bulaya jayega.

Stage 4 – Medical & Background Verification

Final selection se pehle medical examination aur background verification kiya jayega.

Important Guidelines

• Sirf shortlisted candidates ko written test ke liye invite kiya jayega.
• Selection merit ke aadhar par kiya jayega.
• Company candidates ko Bharat ke kisi bhi location, subsidiary ya joint venture me transfer kar sakti hai.
• Kisi bhi stage par eligibility criteria poora na karne wale candidates ko disqualify kiya ja sakta hai.

Tata Motors Recruitment Fraud Alert

Tata Motors ne spasht kiya hai ki recruitment process ke kisi bhi stage par candidates se paisa nahi liya jata.

Important Warning

• Kisi bhi vyakti ko job ke badle paisa na dein.
• Sirf official Tata Motors communication par bharosa karein.
• Official communication keval company email ID ke madhyam se ki jayegi.

Official Recruitment Communication:

lakshya.career@tatamotors.com

Why Lakshya Program 2026 Is Special?

Aaj ke samay me engineering students ko graduation ke baad job aur higher education dono ke liye alag-alag struggle karna padta hai. Lakshya Program is challenge ko solve karta hai.

Is program me candidates:

✅ Job bhi karenge
✅ Salary bhi earn karenge
✅ B.Tech bhi complete karenge
✅ Tata Motors jaise reputed brand ke saath career banayenge

Isi wajah se Lakshya Program 2026 Diploma students ke liye ek golden career opportunity mana ja raha hai.

FAQs

Q1.Tata Motors Lakshya Program 2026 kya hai?

Yeh Tata Motors ka Earn & Learn Program hai jisme Diploma students ko job ke saath engineering degree ka avsar milta hai.

Q2.Tata lakshya program kaun apply kar sakta hai

2026 me Government Polytechnic College se Diploma Engineering complete karne wale students.

Q3.lakshya program minimum marks kitne chahiye?

SSC aur upar ki qualification me minimum 60% marks hone chahiye.

Q4.Kya backlog wale students lakshya program apply kar sakte hain?

Nahi, kisi bhi semester me active backlog ya ATKT allowed nahi hai.

Q5.lakshya program me B.Tech degree kaun sponsor karega?

Tata Motors selected candidates ke liye BITS Pilani WILP ya equivalent Institute of Eminence se engineering degree sponsor karega.

Q6.Kya yeh lakshya program me permanent job hai?

Candidates pehle Technician Apprentice ke roop me join karenge aur baad me permanent employee ban sakte hain.